2012, ഒക്‌ടോബർ 22, തിങ്കളാഴ്‌ച

ഞാനും നീയും


















 



പ്രണയം വിരസമാണെന്ന് 
പറഞ്ഞ നിന്നോട് കൂടിയ 
എനിക്കു നീ തന്ന പേര് 
‘’കാമുകന്‍ ‘’.

ശമ്പളക്കണക്കുകള്‍ക്കു 
ജീവിതം അകന്നു നിന്നപ്പോള്‍ 
എനിക്കു നീ തന്ന പേര്  
‘’ഭര്‍ത്താവ് ‘’.

പുതിയ ബന്ധങ്ങളുടെ 
മേച്ചില്‍ പുറങ്ങളിലേക്ക് 
നീ പറന്നകന്നപ്പോള്‍ 
നീ എനിക്കു തന്ന പേര് 
 ‘’കാവല്‍കാരന്‍ ‘’.

ചാറ്റ് ബോക്സിലെ 
ഫ്രണ്ട് എന്ന പേര് വെച്ച 
ജാരന് മുന്നില്‍ 
നീ എനിക്കു തന്ന പേര് 
 ‘’ശല്യം ‘’.

പ്രസവം വേദനയെന്നു ചൊല്ലി നീ
എന്‍റെ ബീജം നിഷേധിച്ചപ്പോള്‍ 
ഞാന്‍ എനിക്ക് തീര്‍ത്ത പേര് 
‘’വേസ്റ്റ് ‘’.

ഒടുവില്‍ ഒരു ചിതയായി 
ഞാന്‍ എരിയുമ്പോള്‍
നിന്‍റെ കണ്ണുനീര്‍ തുള്ളികള്‍ 
എന്നോട് പറഞ്ഞത് 
 ‘’മാപ്പ് ‘’.

ഇപ്പോളും നിന്‍റെ സ്വപ്നങ്ങളില്‍ 
എന്‍റെ ആത്മാവുണ്ട് 
നീ തന്ന ഏതു പേരില്‍ 
വിളിച്ചാലും ഞാന്‍ കേള്‍ക്കും


post by :-
നിരഞ്ജന്‍ തംബുരു (സുജിത്ത് മുതുകുളം )

4 അഭിപ്രായങ്ങൾ:

  1. ഏത് പേരില്‍ വിളിച്ചാലും കേള്‍ക്കുന്ന സ്നേഹമേ .
    കവിയായ്‌ ജീവിക്കും അഹന്ത നീ .
    ഹഹഹ ....ഹ ഹ...ഹ

    മറുപടിഇല്ലാതാക്കൂ
  2. കൊള്ളാം നന്നായിരിക്കുന്നു...
    അശയം ഇഷ്ടായി!!
    ആശംസകള്‍

    മറുപടിഇല്ലാതാക്കൂ